Olımpıada júldegerleri ozyq ýnıversıtetterdiń granttaryn aldy
ASTANA. QazAqparat - XV halyqaralyq Jəýtikov olımpıadasynda Astanadaǵy Respýblıkalyq fızıka-matematıka mektebiniń (RFMM) oqýshylary júldeli boldy, dep habarlaıdy QazAqparat.
Elordadaǵy RFMM 10 synyp oqýshylary Ardabek Aıdyn, Əbdiǵalıev Jandos matematıka pəninen qola, 11 synyp oqýshysy Əmirhan Baılın fızıka pəninen, 9 synyp oqýshysy Raýan Qaldybaev fızıka pəninen qola medaldarǵa ıe boldy. Əlemdegi matematıka marǵasqalarynyń ishinen top jaryp, altyn medalǵa ıe bolǵan 10 synyp oqýshysy Sanjar Majıt osy joly da bilimdiligi men biliktiligin kórsete bildi. Jeńimpazdarǵa Astana qalasyndaǵy Nazarbaev ýnıversıteti, Almaty qalasyndaǵy Súleımen Demırel ýnıversıteti jəne Məskeýdegi joǵarǵy ekonomıka ýnıversıtetiniń tolyq granttary tabystaldy.
Aıta keteıik, 10 qańtar kúni Almaty qalasyndaǵy Joldasbekov atyndaǵy stýdentter saraıynda ınformatıka, matematıka jəne fızıka pánderi boıynsha XV halyqaralyq Jəýtikov olımpıadasynyń ashylýy ótti. Onda AQSh, Armenııa, Əzerbaıjan, Bolgarııa, Grýzııa, Danııa, Qyrǵyzstan, Mońǵolııa, Qazaqstan, Túrkııa, Ózbekstan, Belarýs, Reseı, Rýmynııa, Serbııa syndy 18 memleketten 540 bilimpaz baq synady.
