Olımpıada júldegerleri áskerılerge sheberlik saǵatyn ótkizdi
«Sporttyq desant» sportshylar arasynda aýyr atletıka boıynsha halyqaralyq dárejedegi sport sheberi, 2016 jyly Rıo-de-Janeıroda ótken Olımpııada oıyndarynyń qola júldegeri, 2016 jylǵy Azııa chempıony Denıs Ulanov, sondaı-aq 2016 jylǵy Azııa chempıony Rýstem Sybaı, Olımpıada oıyndarynyń jeńil atletıka boıynsha eki márte chempıony Olga Rypakova, áskerı qyzmetshiler arasynda dzıýdodan álem chempıony Gýsman Qyrǵyzbaev jáne basqalar bar.
Sportshylar merzimdi qyzmettegi jaýyngerlermen, áskerı qyzmetshilerdiń balalarymen jáne «Jas ulan» respýblıkalyq mektebiniń tárbıelenýshilerimen kezdesip, sheberlik sabaqtaryn ótkizip, kezdesýge qatysýshylarymen tildesti. Sportshylar 35748 áskerı bóliminiń bazasynda «sporttyq alleıaǵa» aǵash otyrǵyzý dástúrin qalyptastyrǵandaryn atap ótken jón.
Aýyr atletıka boıynsha AOSK shtattyq komandasynyń sportshysy Rýstem Sybaı: «Maǵan búgingi kezdesý qatty unady. Balalarǵa da, sarbazdarǵa da sport shyn máninde qyzyqty ekendigi kórinip tur. Osyndaı energetıkany sezingende, óziń de júz paıyz berilesiń. Ómirińde bolyp ótken qyzyqty oqıǵalardy eske alyp, sezimderińmen bóliskiń keledi. Bizdiń osynda kelgen maqsatymyz - jas urpaq bizden úlgi alyp, sportty jáne salamatty ómir saltyn tańdasa eken degen oı», - dedi.
«Sporttyq desant» aktsııasy salamatty ómir saltyn nasıhattaýdyń erekshe túri bolyp tabylady jáne jas urpaqty áskerı-patrıottyq rýhta tárbıeleýdi nyǵaıtýǵa eleýli úles qosady. Aldaǵy ýaqyttarda aktsııaǵa qatysýshylar óz jumystaryn QR Qarýly Kúshteriniń basqa da áskerı bólimderi men mekemelerinde jalǵastyryp, osyndaı kezdesýler ótkizedi.
