Olımpıada júldegeriniń ólimin tergeýdi Bas prokýror óz baqylaýyna aldy

ASTANA. QazAqparat - Qazaqstandyq mánerlep syrǵanaýshy Denıs Tenniń ólimi boıynsha istiń tergelýin QR Bas prokýrory óz baqylaýyna aldy, dep habarlaıdy QazAqparat tilshisi.

Bas prokýratýranyń baspasóz qyzmetinen málim etkendeı, Denıs Tenniń ólimi faktisi boıynsha sotqa deıingi tergep-tekserý amaldary bastaldy. Qylmystyq isti tergeý úshin ІІD jáne ІІM-niń anaǵurlym tájirıbeli qyzmetkerlerinen jedel tergeý toby jasaqtaldy.

«Іs boıynsha protsessýaldyq prokýrorlar taǵaıyndaldy. Tergeý amaldarynyń barysyn Bas prokýror baqylaýǵa aldy», - delingen habarlamada.

Qalalyq ІІD baspasóz qyzmetiniń habarlaýynsha, oqıǵa Qurmanǵazy Baıseıitova kósheleriniń qıylysynda búgin túski saǵat 15:00 shamasynda bolǵan. Sportshy kóliginiń aınasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denıs Tenge pyshaq suǵyp alǵan. Ol oń jaq sanynyń joǵarǵy tusyna jaraqat aldy. 25 jastaǵy Ten úsh lıtr qan joǵaltyp, aýrýhanaǵa óte aýyr jaǵdaıda jetkizildi. Biraq Almaty qalalyq Densaýlyq saqtaý basqarmasynyń basshysy Serikbol Mýsınov qosymsha qan qajet emestigin jáne resýrstar jetkilikti ekendigin málim etken bolatyn. 2,5 saǵatqa jalǵasqan reanımatsııalyq sharalarǵa qaramastan, aýrýhana dárigerleri onyń ómirine arasha túse almady. Saǵat 17.30-da Olımpıada júldegeri qaıtys boldy.

Oqıǵanyń tergelýin QR Іshki ister mınıstri Qalmuhanbet Qasymov ta jeke baqylaýyna alǵan bolatyn.