Olımpıada júldegeri urlanǵan jylqylaryn tapqan polıtseılerge alǵys aıtty
TARAZ. QazAqparat – Olımpıada oıyndarynyń júldegeri Aqjúrek Tańatarov joǵalǵan jylqylaryn taýyp bergen jambyldyq polıtseılerge úzdik qyzmeti úshin alǵysyn bildirdi, dep habarlaıdy QazAqparat tilshisi.
Erkin kúresten qazaqstandyq balýan, Londondaǵy Olımpıada oıyndarynyń júldegeri, Azııa chempıony, halyqaralyq týrnırlerdiń jeńimpazy Aqjúrek Tańatarov Jambyl oblysynyń polıtseılerine jylqylarynyń urlaný deregin jedel túrde ashqany úshin beınejazba arqyly alǵysyn bildirdi.
Aıta ketsek, buǵan deıin Aqjúrek Tańatarov polıtsııaǵa belgisiz tulǵalardyń Turar Rysqulov aýdany aýmaǵyndaǵy jaıylymnan 26 bas jylqysynyń urlanǵany týraly aryzdanǵan bolatyn.
«Atalǵan derekke qatysty QR QK 188-1-baby 4-bóligi (mal urlyǵy) boıynsha sotqa deıingi tergeý bastaldy. Jedel-izdestirý is-sharalaryn júrgizý barysynda Turar Rysqulov aýdanynyń polıtseıleri mal urlaǵany úshin buryn eki ret sotty bolǵan Jarlysý aýylynyń 31 jastaǵy turǵynyn ustady. Urlanǵan jylqylar ıesine qaıtaryldy», - delingen oblystyq Polıtsııa departamenti baspasóz qyzmetiniń habarlamasynda.
