Olımpıada júldegeri Olga Rypakova saıası naýqannan shet qalmady

ÓSKEMEN. QazAqparat – Shyǵys Qazaqstan oblysynda tańerteńnen beri referendýmǵa qatysyp jatqan halyq sany az emes. Solardyń arasynda úsh dúrkin Olımpıada júldegeri Olga Rypakova da bar, dep habarlaıdy QazAqparat tilshisi.

ShQO aqparat ortalyǵynyń málimetinshe, referendým ýchaskelerinde eleýli zańbuzýshylyq tirkelgen joq. Baıqaýshylardyń barlyq eskertýi dereý eskerilip jatyr.

Máselen, Semeı qalasyndaǵy № 249 saılaý ýchaskesinde ekinshi ret daýys berý faktisi anyqtaldy.

Komıssııa tóraǵasy túsinikteme berip, baıqaýshylardyń qatysýymen bir bıýlletendi joıý týraly hattama jasaldy.

Buǵan saılaýshylar tizimderi men e-gov derekter bazasy arasyndaǵy tehnıkalyq sáıkessizdik sebep bolǵan.

Aýa raıy qolaısyzdyǵyna qaramastan óńir jurtshylyǵy belsendi daýys berip jatyr.

Saǵat 18.00-degi jaǵdaı boıynsha Shyǵys Qazaqstan oblysynda daýys berýge quqyly azamattardyń 72,76 paıyzy bıýlleten aldy.

Referendýmǵa qatysyp, óz tańdaýyn jasaǵandardyń biri – qazaqstandyq jeńilatlet Olga Rypakova.

Óskemen qalasyndaǵy №2 ýchaskede tirkelgen ol daýys berip, azamattyq pozıtsııasyn tanytty.

«27 jyldan keıin Konstıtýtsııaǵa ózgerister men tolyqtyrýlar engizý boıynsha referendým ótip jatyr. Bul - Qazaqstan úshin tarıhı oqıǵa. Referendýmǵa qatysý – árbir azamattyń quqyǵy, tańdaýy. Men búgin osy quqyǵymdy paıdalanyp, daýysymdy berdim», - deıdi úsh dúrkin Olımpıada júldegeri.

Esterińizge sala ketsek, osyǵan deıin Óskemen halqy óz tańdaýyn jasap jatqany jaıly fotoreportaj bergen edik.