Olımpıada júldegeri Levıt Azııa chempıonatynda tehnıkalyq nokaýtpen jeńildi

NUR-SULTAN. QazAqparat - Taılandta ótip jatqan bokstan Azııa chempıonatynyń jartylaı fınalynda qazaqstandyq boksshy Vasılıı Levıt tehnıkalyq nokaýtpen utylyp qaldy, dep habarlaıdy QazAqparat tilshisi.

91 keli sanatyndaǵy otandasymyz jartylaı fınalda Ońtústik Koreıa boksshysy Kım Hen Kıýmen judyryqtasqan bolatyn. Ókinishke qaraı, qazaqstandyq boksshy birinen soń biri eki ret nokdaýnǵa túskennen keıin tóreshi jekpe-jekti toqtatty.

Osylaısha, Olımpıada oıyndarynyń kúmis júldegeri Levıt Azııa chempıonatynyń qola medalin qanaǵat tutty.

Sondaı-aq 64 kelige deıingi salmaqta synǵa túsken taǵy bir jerlesimiz Sanatáli Tóltaev ta jartylaı fınalda tájikstandyq Bahodır Ýsmonovtan utylyp, qola medal enshiledi.

Eske salaıyq, osyǵan deıin 49 keli salmaqtaǵy Temirtas Júsipov jekpe-jekke shyǵýdan bas tartyp, qola medal alǵanyn jazǵan edik.

Osylaısha, ázirge Qazaqstan qorjynynda Azııa chempıonatynyń 3 qola medali bar.

«Sary qurlyq» dodasynyń jartylaı fınalyna 11 boksshymyz shyqqanyn habarlaǵan bolatynbyz.

Erler:

49 keli. Temirtas Júsipov - Dıpak (Úndistan)

60 keli. Zákir Safıýllın - Shıva Thapa (Úndistan)

64 keli. Sanatáli Toltaev - Bahodır Ýsmonov (Tájikstan)

75 keli. Tursynbaı Qulahmet - Nursahat Pazzyev (Túrkmenstan)

81 keli. Bek Nurmaǵanbet - Erkın Adylbek ýýlý (Qyrǵyzstan)

91 keli. Vasılıı Levıt - Kım Hen Kıý (Ońtústik Koreıa)

+91 keli. Qamshybek Qońqabaev - Satısh Kýmar (Úndistan)

Áıelder:

64 keli. Mılana Safronova - Dan Dý (Qytaı)

69 keli. Darıǵa Shákimova -Nıen Chın Chen (Qytaı)

81 keli. Farıza Sholtaı - Pýdja Ranı (Úndistan)

+81 keli. Lázzat Kúngeıbaeva - Sıaolı ıAng (Qytaı).