Olımpıada júldegeri Qazalynyń qurmetti azamaty atandy
QAZALY. QazAqparat - Londonda ótken 2012 Jazǵy Olımpıada oıyndarynyń qola medal ıegeri Marına Volnovaǵa «Qazaly aýdanynyń qurmetti azamaty» ataǵy berildi, dep habarlaıdy QazAqparat tilshisi.
Qazaly aýdanynyń ákimi Murat Ergeshbaev Qazaqstan Respýblıkasynyń eńbegi sińgen sport sheberi, boksshy Marına Volnovany qabyldap, «Qazaly aýdanynyń qurmetti azamaty» ataǵyn tabystady.
Óz kezeginde, boksshy qyz el aǵalaryna shynaıy rızashylyǵyn aıtyp, aldaǵy ýaqytta da el senimin atqaýǵa bar kúsh-jigerin salatynyn jetkizdi.
Aıta keteıik, Marııa Volnova 1989 jyly Qazaly qalasynda dúnıege
kelgen. Alty jasynan bokspen aınalysqan. 2005-2006 jyldary Qazaly qalasyndaǵy balalar men jasóspirimder sport mektebinde dzıýdo kúresinen jattyqqan. Londonda ótken 2012 Jazǵy Olımpıada oıyndarynyń qola medal ıegeri. Bokstan Azııanyń (2010) chempıony, álem chempıonatynyń (2010) kúmis medal ıegeri, Qazaqstan chempıonatynyń tórt dúrkin jeńimpazy.
