Olımpıada júldegeri Galbadrah Otgontsetseg el chempıony atandy

QR Dzıýdo federatsııasynyń saıtynan alynǵan málimetke qaraǵanda, aıtýly dodaǵa elimizdiń 14 oblysy men Astana, Almaty qalalarynan barlyǵy 400-den astam sportshy qatysýda.

Aqtóbe oblysynyń ákimi Berdibek Saparbaev birinshi kúngi fınaldyq beldesýlerdi tamashalap, jarys jeńimpaz-júldegerlerin marapattady. Sondaı-aq barlyq qatysýshylarǵa sáttilik tiledi.

Birinshiliktiń saltanatty ashylý rásimi kezinde Ulttyq olımpıada komıtetiniń bas dırektory Serik Qasqabasov QR Dzıýdo federatsııasy atynan Aqtóbe oblysyna tatamı syıǵa tartty.

Sonymen, juma kúni tómendegi salmaq dárejeleri boıynsha jeńimpaz-júldegerler belgili boldy.

Erler:

60 kg

1. Jeńisbek Jaqsybek (Qyzylorda oblysy)

2. Ǵusman Qyrǵyzbaev (Almaty qalasy)

3. Rýstam Ibraev (Aqtóbe oblysy)

3. Erjan Erenǵaıyp (Qaraǵandy oblysy)

66 kg

1. Erlan Serikjanov (ShQO)

2. Baýyrjan Saǵynǵalıuly (Mańǵystaý oblysy)

3. Tólegen Nurǵalıev (ShQO)

3. Erlan Jaqsybekov (Qyzylorda oblysy)

Áıelder:

48 kg

1. Galbadrah Otgontsetseg (OQO)

2. Aqmaral Naýatbek (Astana qalasy)

3. Áıgerim Tóreǵojına (Qaraǵandy oblysy)

3. Ǵalııa Tynbaeva (Almaty qalasy)

52 kg

1. Kámshat Qarasaıqyzy (Mańǵystaý oblysy)

2. Jadyra Ámirtaeva (Jambyl oblysy)

3. Nazgúl Elmuratova (ShQO)

3. Nurjamal Jarmanova (Aqtóbe oblysy)

Osylardyń ishinde Rıo Olımpıadasy jáne álem birinshiliginiń qola júldegeri Galbadrah Otgontsetsegtiń el chempıony atanǵandyǵyn atap ótken jón. Óıtkeni bıylǵy jyldyń eń mańyzdy ári qorytyndy jarysynda jeńimpaz atanǵan dzıýdoshylar ulttyq qurama sapynda 2018 jyly el namysyn qorǵaıtyn bolady, sondaı-aq Azııa men álem chempıonattaryna qatysýǵa múmkindik alady.

Aıta keteıik, 11 qarasha kúni erler arasynda 60 jáne 66 kg, áıelderden 57, 63 jáne 70 kg salmaqtaǵy dzıýdoshylar tatamıge shyǵady. 12 qarasha kúni 90, 100 jáne +100 kg (erler), 78 jáne +78 kg (áıelder) salmaq dárejeleri boıynsha baby kelisip, baǵy janǵandar anyqtalady. 13 qarasha, sońǵy kúni komandalar QR kýbogy úshin synǵa túspek.