Olımpıada júldegeri Farhat Harkı el chempıonatynda jeńiske jetti
ASTANA. QazAqparat - Shymkentte ótip jatqan aýyr atletıkadan Qazaqstan Respýblıkasynyń jeke komandalyq kýbogy men chempıonatynyń ekinshi kúni tartysqa toly boldy, dep habarlaıdy QazAqparat tilshisi.
QR Aýyr atletıka federatsııasynyń baspasóz qyzmetinen málim etkendeı, atalǵan dodanyń ekinshi kúni jankúıerler úshin jarqyn emotsııalar men qaıtalanbas sátterge toly boldy.
Aldymen erler synǵa tústi. 62 keli salmaqta Rıo Olımpıadasynyń qola júldegeri Farhat Harkıge teń keler eshkim bolmady. Julqı kóterýde bir ǵana múmkindik paıdalanǵanyna qaramastan (115+150) sportshy kósh bastady. Ekinshi oryndy Qyzylorda oblysynyń ókili Erasyl Ergenbaı (101+135) ıelendi. Úshinshi orynǵa turaqtaǵan qos birdeı sportshy Vladımır Abramov (106+129) pen Igor Vovchýk (105+130) básekeni birdeı nátıjemen (235 keli) aıaqtady. Alaıda, erejege sáıkes, qola júlde bul salmaqty alǵashqy bolyp baǵyndyrǵan Vladımır Abramovqa buıyrdy.
Áıelder arasynda 58 kelige deıingi salmaq dárejesi boıynsha Sáýle Sadýaqasova (91+121) jeńimpaz boldy. Ekinshi, úshinshi oryndardy ShQO atletteri Lıdııa Anýfrıeva (83+102) men Elızaveta Beloýsova (74+92) jeńip aldy.
40 kelide Ásem Sadyqova qarsylasy Aleksandra ıAkovlevadan (83+102) ozyp, birinshi orynǵa (100+125) qol jetkizdi. Jeńis tuǵyrynyń úshinshi satysyna Mahabbat Serikbolqyzy jaıǵasty.
Esterińizge sala keteıik, aýyr atletıkadan QR jeke komandalyq kýbogy men chempıonatyna elimizdiń 14 oblysynan jáne Almaty, Astana qalalarynan 132 atlet qatysýda.
Búgin, ıaǵnı 16 mamyr kúni jarys alańyna áıelder arasynda -90 jáne +90 keli salmaqtaǵy atletter shyqsa, erlerden 77 keli salmaqtyń myqtylary anyqtalady.
