Olımpıada júldegeri Anna Nurmuhambetova dopıng qoldanǵany úshin 4 jylǵa jarystan shettetildi
Qazaqstannyń ulttyq antıdopıng ortalyǵy birneshe jyl jarysqa qatysa almaıtyn sportshylardyń jańa tizimin usyndy. Oǵan sáıkes 2020 jyldyń basynan beri 11 atlet dopıng qoldanǵany úshin jazaǵa tartylǵan.
Onyń ishinde 2012 jylǵy Olımpıadanyń qola júldegeri, aýyr atlet Anna Nurmuhambetova da bar. Onyń synamasynan Oraltýrınabol anabolık steroıdy tabylǵan. Ol 2019 jyldan bastap 2023 jylǵa deıin, ıaǵnı 4 jylǵa jarystan shettetildi.
Sonymen qatar shańǵyshy Alekseı Poltoranınniń isi boıynsha sheshim qabyldandy. Ol da 2019-2023 jyldar aralyǵynda eshbir jarysqa qatysa almaıdy.
Dopıng qoldanǵan tanymal sportshylar arasynda jeńil atlet Lıýbov Ýshakova, trektegi velosport sheberi Roman Vasılenkov, voleıbolshy Anton Kýznetsov, hokkeıshi Vladıslav Nıkıforov bar. Olar da 2-4 jyl aralyǵynda dıskvalıfıkatsııa aldy.
Sonymen qatar tennısshi Beıbit Juqaev, jeńil atletter Aleksandr Bezrýkov, Olesıa Zadorojnaıa, gımnasshy Gaýhar Tólebaeva jáne samboshy Farýh Mırhakımovtyń synamasynan da dopıng tabylǵan.
Foto: olympic.kz
