Olımpıada júldegeri Nazym Qyzaıbaı referendýmda daýys berdi
ALMATY. KAZINFORM – Bokstan Parıj Olımpıadasynyń qola júldegeri Nazym Qyzaıbaı Qazaqstanda atom elektr stansasyn salý jónindegi referendýmda daýys berdi.
Tanymal qazaqstandyq boksshy tańdaýyn Almatydaǵy №186 orta mektepte ornalasqan № 515 referendým ýchaskesinde jasady.
Ol búgin búkil el úshin mańyzdy kún ekenin, sondyqtan daýys berýge qatysý týraly sheshim qabyldaǵanyn jetkizdi.
Aıta keteıik, Almatyda jalpy halyqtyq referendýmda daýys berý 624 ýchaskede júrip jatyr. Onyń 549-y azamattardy turaqty tirkeý oryndary boıynsha bolsa, al 75-i – aýrýhanalar, sanatorııler jáne áskerı bólimder sııaqty ýaqytsha ornalasqan oryndar.
Sondaı-aq 172 ýchaskede tirkeýdi tekserý servısteri ornatylady. Olar daýys berýshiler ózin tiziminen tappaǵan jaǵdaıda qoldanylady.
Megapolıste 1,2 mln astam adam daýys berýge quqyly.
Osyǵan deıin Almaty ákimi Erbolat Dosaevtyń jubaıymen birge daýys berý ornyna kelgeni týraly jazǵan edik.
Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys beredi.
