Olımpıada júldegeri Narıman Qurbanov sarbazdarmen kezdesti
ASTANA. KAZINFORM – Parıjde ótken Olımpıada oıyndarynyń kúmis júldegeri Narıman Qurbanov Qazaqstan Respýblıkasy ІІM Ulttyq ulanynyń «Ońtústik» óńirlik qolbasshylyǵyna qarasty 5571 áskerı bólimine keldi. Bul týraly QR ІІM Ulttyq ulany «Ońtústik» óńirlik qolbasshylyǵynyń baspasóz qyzmeti málim etti.
El namysyn álem birinshiliginde qorǵap, kók Týymyzdy kókke kótergen Otandasymyz rýhy myqty, kúsh-jigeri tasyp turǵan jalyndy jastardyń qatarynan. Kezdesý barysynda ol quqyqtyq tártipke jaýapty jaýyngerlerge óz aqyl-keńesin aıtyp, Otanǵa adal qyzmet etip júrgenderi úshin alǵys bildirdi.
Shara sońynda 5571 áskerı bólimi komandıriniń tárbıe jáne áleýmettik-quqyqtyq jumystar jónindegi orynbasary podpolkovnık Ulyqbek Qaraev ta chempıonǵa jeńisimen elimizdi álemge moıyndatqany úshin ulandyqtar atynan alǵysyn jetkizdi.
Sondaı-aq qurmetti qonaqty «Ońtústik» óńirlik qolbasshylyǵynyń qolbasshysy general- maıor Talapker Ámireevtiń alǵys hatymen marapattap, estelikke syılyq tabystady.