Olımpıada júldegeri Islam Satpaev irikteý jarysyn aıaqtady

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda nysana kózdeýden qazaqstandyq Islam Satpaev vıntovkamen 50 metrden 3 pozıtsııada nysana kózdeýden erler arasyndaǵy irikteýdi aıaqtady.

Ulttyq qurama qorjynyna alǵashqy júldeni salǵan Islam Satpaev 588 upaı jınap, 18-satyǵa turaqtady. Al Konstantın Malınovskıı 586 upaımen 25-orynnan kórindi. Munda jaqsy nátıje kórsetken 8 sportshy erteń fınalǵa joldama aldy.

Barlyǵy irikteýge 44 sportshy qatysty.

Aıta keteıik, búgin Parıj Olımpıadacynda qazaqstandyq sportshylar sporttyń bes túrinen — trıatlon, stend atý, boks, sporttyq gımnastıka jáne oq atýdan jarys jolyna shyǵýy tıis.

Qazaqstandyq sportshylar Olımpıada oıyndarynda sporttyń 25 túrinen synǵa túsedi.

Olımpıadanyń tórtinshi jarys kúninen keıin Qazaqstan quramasynyń qorjynynda 1 altyn, 2 qola júlde bar. Medaldar kestesinde 12-shi orynǵa jaıǵasty.