Olımpıada júldegeri Dáýlet Shabanbaı úsh jylǵa bas bostandyǵynan aıyryldy
PAVLODAR. KAZINFORM — Pavlodar soty Ulttyq ulan qyzmetkerlerine qol kótergen sportshyny kináli dep taný týraly qaýly shyǵardy.
Erkin kúresten Olımpıada oıyndarynyń qola júldegeri Dáýlet Shabanbaıǵa qatysty is boıynsha sot protsesi aıaqtaldy.
Іs materıaldarynda aıyptalýshynyń bıyl qyrkúıek aıynda Ulttyq ulannyń úsh áskerı qyzmetkerine kúsh qoldanǵany aıtylady. Keshki saǵat 21.00 shamasynda dámhana mańynda toqtatqan patrýlderdiń suraqtaryna balaǵat sózben jaýap berip, kúsh kórsetken.
Atap aıtqanda bireýin keýdesinen ıterse, narıad bastyǵyn ıyǵynan qaǵyp jibergen.
Al úshinshisiniń kózinen urǵan.
Pavlodar qalasyndaǵy qylmystyq ister jónindegi aýdanaralyq soty aıyptalýshyny kináli dep tanyp, ony úsh jylǵa bas bostandyǵynan aıyrdy. Dáýlet Shabanbaı jazasyn orta qaýipsizdikke ıe mekemede óteıtin bolady.
Buǵan deıin London Olımpıadasynyń júldegeri ustalǵanyn, kinási dáleldense, 3 jyldan 7 jylǵa deıin bas bostandyǵyn shekteý nemese aıyrý jazasy qoldanylýy múmkin ekenin jazǵanbyz.
Al memlekettik aıyptaýshy sportshyny 4 jylǵa bas bostandyǵyn aıyrýdy suraǵan edi.