Olımpıada júldegeri Aleksandra Le nysana kózdeýden Qazaqstan rekordyn jańartty

ShYMKENT. KAZINFORM –  Nysana kózdeýden aralas juptyq synda Parıj Olımpıadasynyń qola júldegeri Aleksandra Le Shymkent qalasynda ótip jatqan halyqtyń týrnırde el rekordyn tirkedi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.

Ulttyq qurama mergeni 10 metrden vıntovkamen oq atýda 633.5 upaı jınady. Osy tusta Aleksandra bıyl osyǵan jaqyn upaıdy Mıýnhendegi Álem Kýbogynyń sheshýshi kezeńinde jınaǵanyn aıta keteıin (632 ball).

Al osyǵan deıingi úzdik kórsetkish Elızaveta Bezrýkovaǵa tıesili bolǵan (632.7 upaı). Bezrýkova bul nátıjeni bıyl naýryzda Shymkentte ótken jasóspirimder arasyndaǵy Qazaqstan chempıonatynda kórsetken.

Eske sala keteıik, buǵan deıin Qazaqstandyq qos balýan álem chempıonatynyń qola júldesi úshin kúresetinin jazǵan bolatynbyz.