Olımpıada joldamasyna talasatyn qyzdarymyz Italııaǵa attandy

ASTANA. KAZINFORM – Bokstan Italııada 29 aqpan pen 12 naýryz aralyǵynda ótetin lıtsenzııalyq týrnırge Shámil Safıýllın baptaıtyn burymdy boksshylarymyz jáne ózge jattyqtyrýshylar alqasy Astanadan attanyp ketti.

QR Boks federatsııasy málim etkendeı, týrnır aldynda boksshylarymyz Italııanyń Assızı qalasynda bir aptalyq oqý-jattyǵý jıynyn ótkizedi. Jattyǵý jıynyna Qazaqstan quramasynan bólek, týrnırge qatysatyn 30-ǵa jýyq komandanyń boksshylary daıyndyqtaryn pysyqtamaq.

Esterińizge sala keteıik, atalǵan dodada Parıj Olımpıadasynyń joldamasyna qazaqstan qyzdarynan 50 kelide Alýa Balqybekova, 54 keli salmaqta Jaına Shekerbekova, 60 kelide Rımma Volosenko, 66 kelide Natalıa Bogdanova jáne 75 keli salmaqta Valentına Halzova el namysyn qorǵaıdy.

Jalpy atalǵan týrnırde áıelderde 21 joldama sarapqa salynady.