Olımpıada jeńimpazy Olga Rypakova «Qaırat - Shahter» matchyn tamashalady
ASTANA. 5 qazan. QazAqparat - Jeńil atlet Olga Rypakova «Qaırat» pen «Shahter» arasyndaǵy premer-lıganyń matchyn tamashalady, dep habarlaıdy Vesti.kz.
Olımpıada chempıonyn oıynǵa Almaty klýby shaqyrǵan. Match bastalar aldynda qazaqstandyq jeńil atletke «Qaırattyń» 12-inshi nómirli fýtbolkasy tabys etildi. Al úzilis kezinde O. Rypakova Qazaqstan chempıonatynda túrli jas kategorııalary boıynsha medeldar utyp alǵan komandanyń jas oıynshylaryn marapattady.
Esterińizge sala keteıik, buǵan deıin «Qaırattyń» Almatydaǵy Ortalyq stadıonda ótken matchtaryn London Olımpıadasynyń jeńimpazdary Serik Sápıev pen Ilıa Ilınder tamashalaǵan bolatyn.
