Olımpıada uıymdastyrýshylary 1 mlrd dollar únemdeýi múmkin - HOK
ASTANA. QazAqparat - Halyqaralyq olımpıada komıtetiniń prezıdenti Tomas Bah Games Management 2020 baǵdarlamasynyń arqasynda uıymdastyrýshylardyń 1 mlrd dollarǵa deıin qarjy únemdeýge múmkindigi bar ekenin málimdedi, dep habarlaıdy TASS.
17 qazan kúni HOK baspasóz qyzmeti Olımpıada oıyndarynyń uıymdastyrýshylaryn múmkindiginshe kóbirek qoldaý maqsatynda Komıtet arnaıy Games Management 2020 baǵdarlamasyn qabyldaǵanyn habarlaǵan bolatyn. Oǵan sáıkes, 2026 jylǵy Olımpıadany qabyldaǵan qalaǵa HOK 925 mıllıon dollar tóleıdi.
«Jańa baǵdarlamanyń arqasynda týyndaıtyn múmkindikter Oıyndar tarıhynda buryn-sońdy bolyp kórmegen. Qysqy Olımpıadany qabyldaýshy tarap 500 mıllıon dollarǵa deıin, al jazǵy Oıyndardy ótkizgen qala 1 mıllıard dollarǵa deıin únemdeı alady. Jańasha is-sharalar HOK-tyń aldaǵy ýaqytta ótetin otyrysynda talqylanady», - dedi T. Bah.
HOK-tyń 132-sessııasy Ońtústik Koreıanyń Phenchhan qalasynda 6-7 aqpan kúnderi bolady. Osy qala uıymdastyryp otyrǵan bıylǵy qysqy Olımpıada 9-25 aqpanda ótedi.
Aıta keteıik, 9 aqpan kúni Phenchhannyń Olımpıada stadıonynda Astana ýaqytymen saǵat 17-00-de ashylý saltanaty bastalady. Bul sharada Qazaqstannyń kók baıraǵyn short-trekshi Abzal Ájiǵalıev kóterip shyǵady. Bıylǵy qysqy Olımpıadaǵa qatysatyn qazaqstandyq sportshylardyń tolyq tizimin myna jerden, Qazaqstandyq sportshylar Olımpıadada synǵa túsetin sport túrlerin myna jerden kóre alasyzdar.
Al Qazaqstan quramasynyń jarys kestesimen myna jerde tanysýǵa bolady.
