Olımpıada sportshylar úshin mereke emes - Elena Hrýstaleva
ALMATY. Naýryzdyń 8-i. QazAqparat /Erlik Erjanuly/ - Olımpıada jankúıerler, kórermender úshin shynynda da úlken mereke bolǵanmen, biz úshin jumys. Ony HHІ qysqy Olımpıada oıyndarynyń kúmis júldegeri Elena Hrýstaleva mereke qarsańynda Almatyda ótken baspasóz máslıhatynda aıtty,
dep habarlaıdy QazAqparat.
"Bıatlonshylar Olımpıadanyń ashylý rásimine qatysqan joq. Óıtkeni kelesi kúni jarys boldy. Biz 20 kún boıy Olımpıadany tamashalaǵan joqpyz. Ýaqyttyń bárin jattyǵýmen ótkizdik. Jarysqa qatysqan kezde eshbir sportshy óziniń jeńimpaz bolatynyna 100 paıyz senimdi bola almaıdy", deıdi Elena Hrýstaleva. Olımpıada júldegeriniń Vankýverden keıingi alǵashqy jarysy naýryzdyń aıaǵynda Rıdderde ótetin Qazaqstan chempıonaty bolmaq. Al negizgi syn 2011 jylǵy 7-shi Qysqy Azııa oıyndary bolyp otyr. Súıikti bıatlonynan basqa voleıbol, kórkem gımnastıka, mánerlep syrǵanaý sııaqty sport túrlerin unatqanmen, onda jaraqat alyp qaýpi bolǵandyqtan Elena olarmen aınalyspaıdy. Tek teledıdardan ǵana tamashalaıdy.
