Olımpıada: Short-trekshilerimiz el úmitin aqtaı ala ma
Aqpannyń 11 kúni short-trekten atalǵan qashyqtyqta ótken irikteý kezeńinde Qazaqstannan bir emes, úsh birdeı atletimiz shırek fınalǵa shyqqan bolatyn.
Alǵashqy irikteý synynda Ádil Ǵalıahmetov 500 metrdi 40,74 sekýndta júgirip ótse, Denıs Nıkısha 40,482 sekýndta baǵyndyryp shırek fınalǵa joldama aldy. Al Abzal Ájiǵalıev atalǵan qashyqtyqty 40.87 sekýndta baǵyndyrdy. Ǵalıahmetov óz tobynda ekinshi orynǵa taban tirese, Nıkısha men Ájiǵalıev birinshi orynnan kórindi.
Mine, búgin osy úsh short-trekshimiz Olımpıada oıyndarynyń medalyna talasady.
Shırek fınal, jartylaı fınal jáne fınaldyq kezeń búgin, Nur-Sultan ýaqytymen 17:00-de bastalady.
Short-trekshilerimizdiń osyǵan deıingi jetistikteri:
Abzal Ájiǵalıev
Abzal 1992 jyldyń 30 maýsym kúni Oralda dúnıege kelgen. Short-trekten halyqaralyq dárejedegi sport sheberi.
2011 jyly Azııa oıyndarynda komandalyq synda 5000 metrlik qashyqtyqta qola júldeger;
2016 jyly álem kýbogy kezeńiniń jeńimpazy. Sonymen qatar sy álem kýbogynda 5 shaqyrymdyq estafetadada qola júldeger;
2017 jyly Almaty qalasynda ótken dúnıejúzilik qysqy Ýnıversıadada 500 metr qashyqtyqta kúmis júldeger, sondaı-aq, 5000 metrlik estafetada qola júldeger
Qazirgi ýaqytta halyqaralyq konkıshiler odaǵynyń reıtınginde Abzal Ájǵalıev 500 metrge jarysatyn sportshylar arasynda 3 orynda tur.
Denıs Nıkısha
Denıs 1995 jyldyń 7 tamyzynda Qostanaıda dúnıege kelgen. Short-trekten halyqaralyq dárejedegi sport sheberi.
2014 jyly Túrkııada ótken jasóspirimder arasyndaǵy álem chempıonatynyń qola júldegeri;
2015 jyly Japonııada ótken jasóspirimder arasyndaǵy álem chempıonatynyń qola júldegeri;
2016 jyly Ońtústik Koreıada ótken álem kýbogy kezeńiniń kúmis júldegeri;
2017 jyly Almaty qalasynda dúnıejúzilik qysqy Ýnıversıadanyń qola júldegeri;
2017 jyly Belorýssııadaǵy álem kýbogy kezeńiniń chempıony;
2019 jyly Reseıde ótken dúnıejúzilik qysqy Ýnıversıada estafetalyq synda qola júldeger;
2021 jyly Qytaı da jáne Japonııa da ótken álem kýbogy kezeńderininiń qola júldegeri.
Ádil Ǵalıahmetov
Ádil 1998 jyldyń 11 qarashasynda Oralda dúnıege kelgen. Halyqaralyq dárejedegi sport sheberi.
Qazaqstan chempıonatynyń birneshe dúrkin chempıony, Qysqy spartakıadasynyń jeńimpazy.
2019 jyly Reseı ashyq kýbogynda 1500 metr qashyqtyqta kúmis júldeger;
2021 jyly Beıjińde ótken álem kýbogynyń kezeńinde short-trekten 1500 metr qashyqtyqtan kúmis júldegeri.
2022 jyly Beıjiń Olımpıadasynda short-trekten 1500 metr qashyqtyqta 8-oryn aldy.
Úsheýi de tájirıbeli sportshylarymyz. Júldege talasýǵa múmkindikteri óte joǵary. Jerlesterimizge sáttilik serik bolyp, el qorjynyna júlde salady degen úmittemiz.
