Olımpıada: Shańǵymen tuǵyrdan sekirýden QR komandasy alǵashqy jattyǵýyn ótkizdi

NUR-SULTAN. QazAqparat – Beıjińde ótetin XXIV qysqy Olımpıada oıyndarynyń aldynda shańǵymen tuǵyrdan sekirýden Qazaqstan komandasy tramplınde birinshi resmı jattyǵýyn ótkizdi, dep habarlaıdy QazAqparat.

QR Ulttyq olımpıada komıtetinen málim etkendeı, atalǵan sport túrinen el namysyn eki sportshy qorǵaıdy. Olar – Sergeı Tkachenko jáne Danıl Vasılev.

Shańǵymen tuǵyrdan sekirýden Beıjińdegi qysqy Olımpıadada 105 sportshy baq synaıdy. Onyń ishinde 65 er adam, 40 áıel adam bar.

Jarys Chjantszıakoýdaǵy Ulttyq tuǵyrdan sekirý ortalyǵynda ótedi.

«Qanatty shańǵyshylar» básekesi 5 aqpanda bastalady. Al erler arasyndaǵy fınaldyq kezeń 14 aqpanǵa josparlanǵan.

Aıta keteıik, 4 aqpan kúni Nur-Sultan ýaqytymen 17:55-te Aq Olımpadanyń saltanatty ashylý rásimi ótedi.

Sharany «Habar», «Qazaqstan», «Qazsport» jáne «Elarna» telearnalary tikeleı efırden kórsetedi.