Olımpıada rekordyn ornatqan pákistandyq sportshyǵa 897 myń dollar berildi
ISLAMABAD. KAZINFORM – 2024 jyly Parıjdegi Olımpıada oıyndarynda naıza laqtyrýdan Pákistan atynan qatysqan Arshad Nadım rekordtyq nátıjege qol jetkizip, jergilikti bılik tarapynan 897 myń dollar syıaqyǵa ıe boldy. Bul týraly Associated Press habarlady.
Pákistan premer-mınıstri Shahbaz Sharıf Islamabadta juldyzdy sportshyny marapattaý rásiminde Nadımge 150 mıllıon rýpıı (538 myń dollar) bóletinin jarııalady. Buǵan deıin Pendjab shtatynyń bas mınıstri Marııam Navaz Mıan Channý aýdanyndaǵy aýyldaǵy Nadımniń úıine baryp, oǵan 100 mıllıon rýpııdiń (359 myń dollar) chegin syılaǵan.
Sondaı-aq, Navaz naızany rekordtyq qashyqtyqqa 92,97 metrge laqtyrǵan sportshynyń qurmetine «PAK 92.97» arnaıy memlekettik nómiri bar jańa kóliktiń kiltin tabys etti. Nadımniń jattyqtyrýshysy Salman Ikbal Býttqa da 5 mıllıon rýpıı (18 myń dollar) tabys etildi.
Anyqtama úshin, Pákistan Olımpıadada 1 ǵana altyn jeńip aldy jáne medaldar sany boıynsha 62-orynda tur.
