Olımpıada rámizin qorǵaý týraly Naırobı shartyn ratıfıkatsııalaý jónindegi qujat qabyldandy
azannyń 21-i. QazAqparat /Aıdar Ospanalıev/ - Búgin Parlament Senatynyń jalpy otyrysynda depýtattar «1981 jylǵy 26 qyrkúıekte Naırobıde qabyldanǵan Olımpıada rámizin qorǵaý týraly Naırobı shartyn ratıfıkatsııalaý týraly» zańdy qabyldady.
Otyrysta atalmysh zań jobasy boıynsha baıandama jasaǵan Ádilet mınıstrliginiń Jaýapty hatshysy Marat Beketaevtyń aıtýynsha, zań jobasy qabyldanatyn bolsa, elimiz halyqaralyq olımpıada qozǵalysyn damytý isine úlken úles qosqan bolyp esepteledi. Shart olımpıada rámizin tańba nemese basqa belgi retinde kommertsııalyq maqsatta zańsyz paıdalanýdan qorǵaýǵa baǵyttalǵan. Zań jobasyn depýttar jan-jaqty talqylap ony qabyldaý qajet dep sheshti.
