Olımpıada oıyndarynyń Almaty oblysynyń jeńimpazdary 10 mıllıon teńge somaǵa deıin aqshalaı syılyqtarmen yntalandyrylady
TALDYQORǴAN. Qyrkúıektiń 8-i. QazAqparat /Sandýǵash Dúısenova/ - Olımpıadalyq oıyndardyń Almaty oblysynyń jeńimpazdary budan bylaı 5 mıllıonnan 10 mıllıon teńgege deıingi somanyń aqshalaı syılyqtarymen yntalandyrylady. Bul týraly búgin sportshylarmen bolǵan kezdesýde oblys ákimi Serik Úmbetov málim etti.
«Almaty oblysynyń sportshylary sońǵy jyldary óte jaqsy jetistikterge qol jetkizip keledi. Mysaly, aýyr atletıkadan álem chempıonatynda bizdiń jigitter men qyzdar tórt «altyn» jeńip aldy! Jáne bul bastamasy ǵana. Alda - qysqy Azııalyq jáne Olımpıadalyq oıyndar kútip tur. Biz sportshylarymyzdy yntalandyrýymyz kerek. Sondyqtan men depýtattarymyzdy kelesi jylǵy bıýdjetti qaraǵan kezde Olımpıada chempıondaryn yntalandyrý máselesin qarastyrýdy suraımyn»,- dep atap kórsetti ákim óz sózinde.
S.Úmbetovtyń aıtýynsha, birinshi oryn úshin - 10 mıllıon teńge, ekinshi oryn úshin - 7 mıllıon teńge, úshinshi orynǵa - 5 mıllıon teńgeden bólý kerek.
