Olımpıada oıyndaryndaǵy 30 jyl: Qazaqstan sportshylary qansha medal aldy

Bıyl Qazaqstannyń Olımpıadalyq qozǵalysqa qosylǵanyna 30 jyl toldy. Osyǵan oraı QR Ulttyq olımpıadalyq komıteti elimizdiń tanymal sportshylary men sport qaıratkerlerin marapattady, dep habarlaıdy QazAqparat tilshisi.

QR Ulttyq Olımpıadalyq komıteti 1990 jyly 3 aqpanda qurylǵan, 1992 jyly QR UOK resmı tirkelip, ony 1993 jyly Halyqaralyq Olımpıada komıteti moıyndaǵan. Otyz jylda Qazaqstan 7 jazǵy Olımpıada oıynyna qatysyp, 71 medaldi el qorjynyna saldy, onyń ishinde 14 altyn medal bar.

Búginde QR UOK olımpıadalyq oıyndarda ǵana emes, HOK uıymdastyratyn aımaqtyq, qurlyqtyq jáne búkilálemdik jarystarda el múddesin qorǵap keledi.

Mereıtoıǵa oraı el Prezıdenti Qasym-Jomart Toqaevtyń elimizdiń sportshylary, jattyqtyrýshylary men sport ardagerlerine quttyqtaý joldady. Quttyqtaý hatyn Prezıdent kómekshisi Rýslan Jeldibaı oqyp berdi.

«Sizder Olımpıada qundylyqtaryn dáriptep, óskeleń urpaqty sportqa baýlýǵa jáne halyqaralyq uıymdarmen yntymaqtastyqty nyǵaıtýǵa zor úles qosyp kelesizder. Sonyń nátıjesinde órenderimiz talaı baıraqty básekede tabysty óner kórsetip júr. Olar Olımpıada oıyndarynan, álem birinshilikterinen jáne Azııa chempıonattarynan el qorjynyna júzdegen júlde saldy. Sańlaqtarymyzdyń esimi álemdik sport jylnamasyna altyn árippen jazyldy. Memleket olımpıada qozǵalysyn damytýǵa árdaıym basa nazar aýdarady. Biz Halyqaralyq olımpıada komıtetimen jáne basqa da bedeldi uıymdarmen yqpaldastyqty nyǵaıta beremiz», - dep quttyqtady Memleket basshysy.

Sonymen birge, Halyqaralyq olımpıadalyq komıtet prezıdenti Tomas Bah jáne álemdik sporttaǵy basqa da bedeldi tulǵalar qazaqstandyq sport qaıratkerleri men sportshylaryna quttyqtaý joldady.

HOK prezıdenti Tomas Bah Qazaqstan ózin halyqaralyq sporttyq sharalardy ótkizýde tamasha uıymdastyrýshy jáne qonaqjaı el retinde tanytqanyn, 2022 jylǵy Qysqy Olımpıada oıyndaryna Qazaqstan ótinishin barlyq olımpıadalyq sporttyq qaýymdastyq joǵary baǵalaǵanyn atap ótti.

«Sizder 30 jyldaǵy jetistikterińizdi maqtanyshpen málimdeı alasyzdar. Osy ýaqyt ishinde barlyq sportshylaryńyz óz sheberligimen Qazaqstandy halyqaralyq sport qaýymdastyǵynyń kartasyna myqtap bekitti. Sport alańdarynyń syrtynda da qoǵamdaǵy olımpıadalyq rýhty ilgeriletip, olımpızmniń túrli áleýmettik baǵdarlamalary arqyly qazaqstandyqtardyń sportqa qulshynysyn oıata aldyńyzdar. Eń aldymen álbette, bul 79 olımpıada medalin tartý etken sportshylaryńyzdyń joǵary jetistigi. Bul shynynda maqtanýǵa turarlyq jetistikter», - dedi T. Bah beınequttyqtaýda.

QR Ulttyq olımpıada komıteti 1993 jyldan bastap halyqaralyq ınstıtýt retinde qalyptasyp, Halyqaralyq olımpıadalyq komıtetimen birlesip jumys istep keledi.

1994 jyly elimizge alǵashqy Olımpıada medalin shańǵyshy Vladımır Smırnov Norvegııadan ákeldi. Eki jyldan soń Atlantada sportshylarymyz 11 medal jeńip aldy. 30 jylda Qazaqstan 7 jazǵy olımpıadalyq oıynǵa qatysyp, 71 medaldi el qorjynyna saldy, onyń ishinde 14 altyn medal bar. Sondaı-aq elimizdiń sportshylary qysqy Olımpıada oıyndarynan túrli dárejedegi 8 medaldi ıelendi, onyń ishinde 1 altyn bar. Bul altyn júldeni 1994 jyly Lıllehammerde Vladımır Smırnov jeńip alyp, qanjyǵaǵa taǵy 2 kúmis medal salǵan bolatyn.

1998 jyly Naganoda Lıýdmıla Prokasheva men Vladımır Smırnov eki qola medal aldy. Qysqy Olımpıada oıyndary quramasynyń qorjynyna Vankýverde bıotlonıst Elena Hrýstaleva kúmis júlde qossa, 2014 jyly Sochıdegi Olımpıadada – mánerlep syrǵanaýdan Denıs Ten qola medalmen tolyqtyrdy. Al 2018 jyly Ońtústik Koreıanyń Phenchhan qalasynda ótken Olımpıadada frıstaıldan ıÝlııa Galysheva qola medal taqty.

Sıdneı-2000 jazǵy Olımpıadasynda Qazaqstan boksy jańa beleske kóterildi. Ermahan Ibraımov pen 20 jastaǵy Bekzat Sattarhanov altyn alyp, el atyn asqaqtatty. Dál osy Olımpıadada jeńil atletshi Olga Shıshıgına top jardy. Odan keıingi qatarynan úsh Olımpıadada Olga Rypakova birneshe medel jeńip aldy: Beıjińde – kúmis, Londonda – altyn, Rıoda – kúmis.

Rıo-de-Janeıroda ótken Olımpıada oıyndary Qazaqstan quramasy úshin jeńiske toly boldy. Qurama esebi 17 medalǵa toldy, onyń ishinde 2- altyn, 5 – kúmis jáne 10 qola júlde bar. 2016 jylǵy jazǵy Olımpıada oıyndarynda Dmıtrıı Balandın Qazaqstannyń júlde qoryna júzýden tuńǵysh ret altyn medal saldy. Bokstan talanantty sportshymyz Danııar Eleýsinov altyn medal taqty. Osylaısha Danııar Eleýsinov elimizdiń Vasılıı Jırov, Baqtııar Artaev, Ermahan Ibraımov, Bekzat Sattarhanov, Baqyt Sársekbaev, Serik Sapıev syndy tanymal sportshylardyń qataryn tolyqtyrdy. 2012 jyly jeńis tuǵynan túspegen sportshymyz Aleksandr Vınokýrov Londonda ótken Olımpıadada velosporttan sońǵy jarysyna qatysty.

Sonymen birge, Qazaqstandaǵy Olımpıadalyq qozǵalystyń 30 jyldyǵyna oraı elimizdiń tanymal sportshylaryna mereıtoılyq marapattar berildi.

Olımpıada oıyndarynan úsh márte medal alǵan Olga Rypakovaǵa (jeńil atlektıka), bokstan QR eńbek sińirgen jattyqtyrýshysy Myrzaǵalı Aıtjanovqa, KSRO eńbek sińirgen jattyqtyrýshysy ıÝrıı Tshaıǵa, QR UOK Sport departamentiniń dırektory Elsııar Qanaǵatovqa uıymnyń eń joǵary marapaty – QR UOK ordeni berildi.

Bokstan Olımpıada chempıondary Baqtııar Artaev, Serik Sápıev, júzýden Olımpıada chempıony Dmıtrıı Balandın, grek-rım kúresinen Olımpıada chempıony ıÝrıı Melnıchenko, Olımpıada oıyndarynda bokstan jeńiske jetken Ivan Dychko, Bolat Jumadilov, Vasılıı Levıt, dzıýdodan Olımpıada oıyndarynyń jeńimpazdary Ashat Jitkeev, sondaı-aq Olımpıada oıyndarynda qola alǵan Lıýdmıla Prokashevaǵa (konkı sporty), Arman Shilmanovqa (taekvondo), Elena Shalygınaǵa (áıelder kúresi), bokstan tanymal jattyqtyrýshy Ǵalymbek Kenjebaevqa, Olımpıada oıyndarynyń aýyr atletıkadan jeńimpazdary Denıs Ýlanov pen Jazıra Japparqulǵa, erkin kúresten Olımpıada jeńimpazy Aqjúrek Tańatarovqa, bokstan álem chempıony Mereı Aqshaqalovqa І jáne ІІ dárejeli marapattar tabystaldy.

Sondaı-aq, elimizdiń ataqty jattyqtyrýshylary Mádıǵalı Qarsybekov (short-trek) pen Oksana Ten (mánerlep syrǵanaý) qurmet belgisin aldy.