Olımpıada oıyndarynda 300-den astam adam koronavırýs juqtyrdy

NUR-SULTAN. QazAqparat – Tokıodaǵy Olımpıadada táýliktik juqtyrý rekordy tirkeldi. Japonııa astanasynda TJ rejımi uzartyldy, dep habarlaıdy QazAqparat dw.com saıtyna silteme jasap.

Tokıodaǵy Olımpıadada táýliktik SARS-CoV-2 koronavırýsyn juqtyrý jaǵdaıynyń maksımaldy kórsetkishi tirkeldi. 24 saǵattyń ishinde jazǵy Olımpıada oıyndaryn ótkizýge atsalysqan 29 adam vırýs juqtyrdy. Bul týraly «Tokıo-2020» uıymdastyrý komıtetiniń saıtynda sársenbi, 4 tamyz kúni jarııalanǵan esepte málim etildi. Juqtyrǵandardyń arasynda tórt sportshy bar. Jarysty ótkizýge atsalysqan adamdardyń ishinde koronavırýs juqtyrǵandardyń jalpy sany 322-ge jetti.

Epıdemıologııalyq ahýaldyń órshýine baılanysty Tokıoda tótenshe jaǵdaı rejımi 31 tamyzǵa deıin uzartyldy. Ol, atap aıtqanda, qoǵamdyq tamaqtaný oryndarynda alkogol satýǵa tyıym salýdy jáne kórermenderdi buqaralyq is-sharalarǵa jiberýdi shekteýdi kózdeıdi. Olımpıada Japonııa astanasynda kórermendersiz ótip jatyr.