Olımpıada oıyndarynan oralǵan eki úndistandyq sportshydan dońyz tumaýy tabyldy
ASTANA. QazAqparat - Rıo-de-Janeırodaǵy Olımpıada oıyndarynan oralǵan eki úndistandyq sportshydan dońyz tumaýy vırýsy tabyldy, atletter aýrýhanaǵa jatqyzyldy, dep habarlady NDTV telearnasy.
Rıo-de-Janeırodaǵy marafonǵa qatysqan úndistandyq jelaıaq Orchatterı Djaısha keshe aýrýhanaǵa jatqyzyldy, synama arqyly onyń qanynan dońyz tumaýy dep atalatyn H1N1 vırýsy tabyldy. Bul týraly jýrnalısterge úndistandyq qurama ókili Shıam Sýnder habarlaǵan.
«Djaısha Bangalordaǵy óz úıine qyzýy kóterilip keldi jáne aýrýhanaǵa jatqyzyldy. Endi tolyq em alý úshin aýrýhanada biraz ýaqyt bolýyna týra keledi», - dedi Sýnder.
