Olımpıada oıyndaryna hıdjab kıgen áıel sportshylar qatysady
ASTANA. 29 shilde. QazAqparat - Saýd Arabııasynyń bılik ókilderi el atynan shyǵatyn áıel sportshylardyń sporttyq oıyndar kezinde de «abyroı» saqtap júrýin qamtamasyz etti.
Olar denege jabyspaı, erkin turatyn sport kıimin kıip, bastaryna hıdjab - shashyn jaýyp turatyn oramal taqpaq.
rg.ru habarlaǵandaı, Saýd Arabııasy Londonǵa eki sportshy jiberetinin habarlaǵan. Onyń ishinde dzıýdoshy Vodjan Alı Seradj Abdýlrahım Shahrhanı (78 keliden joǵary salmaqta) jáne 800 metrge júgiretin jelaıaq Sara Attar bar. Saýd Arabııasy áıel sportshylardyń Olımpıada oıyndaryna qatysýyna tyıym salýyn bir aı buryn toqtatqan. Sońǵy aıǵa deıin Saýd Arabııasynyń áıelderine sporttyq jarystarǵa qatysýǵa tyıym salynǵandyqtan, Olımpıadadaǵy áıgili sportshylarmen synǵa túsetin laıyqty adam tabylmaǵan. Shahrhanı men Attar jýrnalısterge bergen suhbatynda óz elin tanystyratynyna baqytty ekenin jetkizgen. Olar medal alýǵa úmittenbeıdi de. Sondaı-aq eki sportshy da shetelde ósken. 17 jasar Sara Attar Kalıfornııada týǵan, AQSh-tyń qosymsha azamattyǵy bar boıjetken Los-Andjeleste oqıdy.
Aıta keteıik, buǵan deıin Brýneı men Katar sııaqty musylman memleketteri de Olımpıada oıyndaryna áıel sportshylar jiberýge usynys bildirgen. Brýneıdi jeńil atlet Mazııa Mahasın tanystyrsa, Irannan 25 jasar Neda Shahsavarı (ústel tennısi), Aljırden áıelder voleıbol komandasy kelmek.
1tv.kz
