Olımpıada oıyndary ótpese, Japonııa 74 mlrd dollar shyǵynǵa batady

TOKIO. Kyodo-QazAqparat – Tokıodaǵy 2020 jylǵy Jazǵy Olımpıada oıyndarynyń bolmaýy japon ekonomıkasyna 7,8 trln ıen (74,2 mlrd dollar qazirgi kýrs boıynsha) shyǵyn ákeledi, dep habarlady Kyodo agenttigi.

Nikko Securities japon qarjy kompanııasynyń málimetinshe, koronavırýstyń taralý qaýpine baılanysty Olımpıadany bolmaýy eldiń jalpy ishki ónim ósimi jyldyq esepte 1,4 %-ǵa qysqarady. Japon korporatsııanyń tabysy 2020 jyly 24,4%-ǵa tómendeıdi dep sanaıdy Nikko Securities. Japon kompanııasy eger koronavırýstyń taralýy bıylǵy jyldyń shildesine deıin tolyǵymen toqtamasa, Jazǵy Olımpıada oıyndarynyń bolmaıtynyna senimdi. Japonııanyń JІÓ 2019 jyly shamamen 5,15 trln dollardy quraǵan.

Qazirgi ýaqytta bul elde koronavırýsty juqtyrǵandar sany 1 myń adamnan asty, 12-si kóz jumǵan. Vırýs juqtyrǵandardyń kópshiligi (696 adam) – Diamond Princess krýız laıneriniń jolaýshylary men ekıpaj músheleri.