Olımpıada oıyndary: Kórsetilim boıynsha kelissóz qalaı júrip jatyr
Bul týraly Prezıdent Ákimshiligi Basshysynyń birinshi orynbasary Dáýren Abaev «Ashyq dıalog» suhbatynda aıtty.
«Dál qazir siz ekeýmiz suhbattasyp otyrǵan sátte Japonııada Olımpıada kórsetilimin uıymdastyrý quqyǵyna ıe tarappen kelissóz júrip jatyr. Kórsetilim quqyǵyn satyp alý múmkindigi áli bar degen oıdamyn. Úkimet azamattarymyzdyń óz sportshylaryna tikeleı efırde jankúıer bolýy úshin bárin jasaıdy. Bir ǵana problema bar jáne ol tek baǵaǵa baılanysty. Búginge deıin bizge tym qymbat baǵa usynylǵan bolatyn. Onyń ústine bul jaǵdaı ylǵı, jyldan-jylǵa qaıtalanyp otyr. Qazaqstanǵa keıbir kórshi elderge qaraǵanda ondaǵan ese qymbat baǵa usynylyp keldi. Muny elimizdiń ekonomıkalyq damý deńgeıimen baılanystyrady», - degen Dáýren Abaev sońǵy kelissóz nátıjesinde kórsetilim baǵasy bastapqydan arzandaı bastaǵanyn aıtty.
«Árıne, bizdi halyqty sport merekesinen aıyratyn boldy dep aıyptap jatqan shyǵar. Biraq mundaǵy jalǵyz sebep - salyq tóleýshilerdiń aqshasyn únemdep qalý nıeti ǵana. Kommertsııalyq qupııaǵa baılanysty ázirge baǵany ataı almaımyn. Biraq bastapqy aıtylǵan tarıfke qaraǵanda túsip keledi. Kelissóz júrip jatyr. Jýyq arada másele kún tártibinen alynady dep oılaımyn», - dedi Prezıdent Ákimshiligi Basshysynyń birinshi orynbasary.
