Olımpıada oıyndary qaýipsizdigin 10 myń polıtseı men drondar qamtamasyz etedi

ASTANA. QazAqparat - Shamamen 10 myń polıtsııa qyzmetkeri, onyń ishinde arnaıy bólim  Phenchhandaǵy Olımpıadalyq oıyndardyń  qaýipsizdigin qamtamasyz etetin bolady.

Saltanatty ashylý rásimi 9 aqpanda Soltústik jáne Ońtústik  Koreıany bólip turǵan demılıtarızatsııalyq aımaqtan 80 shaqyrym qashyqtyqta ótedi, dep habarlaıdy euronews.

Osyǵan baılanysty resmı Seýl  qandaı da bir arandatýshylyqtyń bolmaýy úshin barlyq saqtyq sharalaryn qabyldady.

Belgili bolǵandaı, Ońtústik Koreıa bıligi Olımpıadalyq oıyndar úshin tosqaýylshy drondar flotılııasyn satyp aldy. Olar kameralarmen jáne adam túrin anyqtaıtyn túrli baǵdarlamamen jabdyqtalǵan.

Al barlyq avatomobılder kólik ishindegi zattardy tekserýge múmkindik beretin arnaıy skanerden ótkiziledi.