Olımpıada oıyndary-2012 alaýy nemistiń BMV kontserninde synaqtan ótti
ASTANA. 13 sáýir. QazAqparat - Birikken Koroldikte Olıpıadalyq oıyndar-2012 alaýy estafetasynda qatysýshylar alyp júretin brıtandyq alaý nemistiń Mıýnhendegi BMV kontserninde ınnovatsııalyq zertteýler ortalyǵynda jan-jaqty synaqtan ótti, dep habarlady ITAR-TASS.
Jazǵy olımpıadalyq oıyndardy uıymdastyrýshylardyń aıtýynsha, alǵashqy eki tájirıbelik nusqa kompıýter baǵdarlamasy usynǵan sharttarmen aerodınamıkalyq tonnelde qatań emtıhanǵa oıdaǵydaı tótep berdi.
Brıtandyq mamandar jasaǵan alaý saǵatyna 80 shaqyrymdyq ekpindegi jelge, ekstremaldyq temperatýrada synaldy. Endi ol bıik taýly aımaqtarda synnan ótedi.
Árbir alaýdyń quny 495 fýt (785 dollar) turady. 2012 jylǵy Olımpıadalyq jáne Paralımpıadalyq oıyndardy London uıymdastyrý komıteti barlyq 8 myń alaýdy jeńildikpen satyp, 2,5 mln. dollardan astam qarjy túsrmek.
Birikken Koroldiktegi alaý estafetasy resmı túrde 19 mamyrda bastalady. 70 kúnniń ishinde alaý alyp júrýshiler 12 myń 800 shaqyrym qashyqtyqty basyp ótedi, al 27 shildede Londondaǵy olımpıadalyq stadıonynda onyń saltanatty ashylýynda jaǵylady.
Burynǵy oıyndardan ereksheligi - estafeta uıymdastyrýshy-el - Ulybrıtanııa men kórshiles Irlandııada ǵana ótkiziledi.
