Olımpıada oıyndarynda Qazaqstan atynan 8 balýan synǵa túsedi

ASTANA. KAZINFORM –  Grek-rım, erkin jáne áıelder kúresi federatsııasy balýandardyń Olımpıada qarsańyndaǵy sońǵy jattyǵý jıyny qaıda ótetinin jarııalady, dep jazady Olympic.kz. 

Otandyq balýandar Parıj Olımpıadasynyń aldyndaǵy sońǵy daıyndyq kezeńin Almaty oblysynda ótkizedi. Bul Parıj oıyndaryna daıyndyqtyń úshinshi kezeńi sanalady.

Jattyǵý jıyny 21 shilde men 2 tamyz aralyǵynda uıymdastyrylmaq. Oqý-jattyǵý jıynyna Olımpıadaǵa qatysatyn balýandar men olardyń sparrıng seriktesteri qatysady.

Aıta ketelik, jazǵy Olımpıada oıyndarynda Qazaqstan atynan jalpy esebi 8 balýan synǵa túsedi. Olardyń tórteýi erkin kúresten baq synasa, tórteýi - grek-rım kúresiniń ókilderi.

Buǵan deıin balýan Meırambek Qartbaı suhbat berip, Olımpıadaǵa barar aldynda Almatyda jattyǵý ótkizetinin aıtqan edi.