Olımpıada oıyndary–2028: Qatarda nysana kózdeýden lıtsenzııalyq álem chempıonaty bastaldy
ASTANA. KAZINFORM — ASTANA. KAZINFORM — Qatar astanasy Doha qalasynda nysana kózdeý men stend atýdan ISSF álem chempıonaty bastaldy.
Baıraqty báseke 14 qarashaǵa deıin jalǵasady.
Atalǵan álem chempıonaty Los-Andjeles qalasynda ótetin 2028 jylǵy Olımpıada oıyndaryna joldama úlestiriletin alǵashqy irikteý kezeńi sanalady.
Jarys barysynda 12 jekeleı syndaǵy dıstsıplına boıynsha jalpy sany 36 olımpıadalyq lıtsenzııa sarapqa salynady. Ár dıstsıplınada úsh joldama beriledi.
Sportty damytý dırektsııasy málimetinshe, 3 qarashada otandastarymyz álem chempıonatyndaǵy júldeler úshin kúresti bastaıdy. Jarystyń alǵashqy kúni áıelder men erler arasynda 10 metr qashyqtyqtan pnevmatıkalyq vıntovkamen atý saıysynyń fınaldary ótedi.
Alekseı Chýrkın álem chempıonatynda júldege bir qadam jetpeı qalǵanyn jazǵan edik.
