Olımpıada oıyndary kezinde qulaǵan amerıkalyq sportshyǵa operatsııa jasaldy

ASTANA. KAZINFORM — Amerıkalyq taý shańǵy sportshysy Lındsı Vonnǵa jeksenbi kúni Italııa aýrýhanasynda ota jasaldy. Ol Mılan-Kortınadaǵy qysqy Olımpıada oıyndaryndaǵy jarysta qulap, aýyr jaraqattanǵan bolatyn, dep habarlaıdy ANEWZ.

41 jastaǵy shańǵyshyny Olımpııa delle Tofane taý shańǵysy baýraıynan tikushaqpen Soltústik Trevızo qalasyndaǵy Ka’Fonchello aýrýhanasyna alyp keldi.

Aýrýhana qyzmetkerleriniń aıtýynsha, onyń synǵan aıaǵyna ortopedııalyq operatsııa jasalǵan. Qazir onyń ómirine qaýip tónip turǵan joq, sportshy jansaqtaý bóliminde jatyr.

Tikushaqtaǵy qutqarý tobynyń músheleri evakýatsııany tehnıkalyq jaǵynan kúrdeli, biraq sátti jasalǵan operatsııa dep sıpattady.

Osyǵan deıin Italııanyń Mılan jáne Kortına-d’Ampetstso qalalarynda ótip jatqan XXV qysqy Olımpıada oıyndary ekinshi jarys kúnin qortyndylaǵany týraly jazdyq. Ázirge Norvegııa jalpy esepte alǵa shyqty.