Olımpıada ótip jatqan jerden 160 km qashyqtyqta jer silkindi
ASTANA. QazAqparat - Olımpıa ótip jatqan jerden 160 km qashyqtyqta jer silkindi, dep habarlaıdy Renhap agenttigi.
Ońtústikkoreıalyq meteorologııa basqarmasynyń habarlaýynsha, jeksenbi kúni tańerteń Ońtústik Koreıanyń shyǵys jaǵalaýyndaǵy Kensan-Pýkto provıntsııasynyń Phohan qalasynda magnıtýdasy 4,6 magnıtýdaly bolatyn jerasty dúmpýi boldy.
Jer silkinisi jeksenbi kúni jergilikti ýaqytpen 05.03-te (Astana ýaqytymen 02.03-te) bolǵan. Seısmologtar bul jerasty dúmpýin byltyr qarashada osy aýdanda bolǵan 5,4 magnıtýdaly jer silkinisinen keıingi aftershoktarmen baılanystyrýda. Sodan keıin 84 ret jer silkinisi tirkelgen.
Zilzala bolǵan Phohan qalasy Phenchhannan - 2018 jylǵy qysqy Olımpıada oıyndary bolyp jatqan jerden 160 shaqyrym qashyqtyqta ornalasqan.
Jer silkinisi Ońtústik Koreıadaǵy Seýl jáne Pýsan qalalarynda sezilgen. Qaza tapqandar týraly aqparat joq.
