Olımpıada ótetin Rıodaǵy urlyq sany sońǵy 11 jyldyń ishindegi eń joǵary kórsetkishke jetti
ASTANA. QazAqparat - Brazılııanyń Rıo-de-Janeıro shtatynda urlyq-qarlyq pen tonaý sany sońǵy 11 jyl ishindegi eń joǵary kórsetkishke jetip otyr.
Jergilikti qoǵamdyq qaýipsizdik ınstıtýtynyń habarlaýynsha, bıylǵy qańtar-mamyr aılarynda atalǵan qylmys boıynsha 48429 oqıǵa tirkelgen.
Bul - sońǵy 11 jyl ishindegi eń nashar kórsetkish. 2006 jyldyń qańtar-mamyr aılarynda 24895 tonaý qylmysy tirkelgen. Osylaısha, búgingi tańda dál osyndaı qylmys túri 90 paıyzǵa kóbeıip otyr.
Rıo-de-Janeırodaǵy qylmystyń joǵary deńgeıi tamyz aıynda ótetin Olımpıada oıyndaryn uıymdastyrýshylardyń basty túıtkili bolyp otyr.
XXXI jazǵy Olımpıada oıyndary Rıo-de-Janeıroda 2016 jyldyń 5-21 tamyz kúnderi ótedi jáne bul - Ońtústik Amerıkada ótetin tuńǵysh Olımpıada.
