Olımpıada men Paralımpıada júldegerleri memleketten qansha syıaqy aldy

ASTANA. KAZINFORM – Qazaqstan Respýblıkasy Úkimeti 2024 jyly Parıjde ótken XXXIII jazǵy Olımpıada jáne XVII jazǵy Paralımpıada oıyndarynyń jeńimpazdary men júldegerlerine aqshalaı syıaqy berý týraly qaýly qabyldady.

QR Týrızm jáne sport mınıstrliginiń baspasóz qyzmeti atap ótkendeı, qaýlyǵa sáıkes, Úkimet rezervinen sportshylar men olardyń jattyqtyrýshylaryna tólemder jiberildi. Osylaısha, búgin barlyǵy 49 sportshy men 63 jattyqtyrýshynyń jeke shotyna aqshalaı syıaqy tústi.

Qoldanystaǵy zańnamaǵa sáıkes mynadaı mólsherde aqshalaı syıaqylar qarastyrylǵan:

1-oryn – 250 000 AQSh dollary;

2-oryn – 150 000 AQSh dollary;

3-oryn – 75 000 AQSh dollary;

4-oryn – 30 000 AQSh dollary;

5-oryn – 10 000 AQSh dollary;

6-oryn – 5 000 AQSh dollary. 

Aqshalaı syıaqy júldegerlerdiń birinshi, jeke jáne bas jattyqtyrýshylaryna da beriledi. 

Sonymen qatar Olımpıada men Paralımpıada jeńimpazdary men júldegerlerine jergilikti atqarýshy organdar tarapynan qoldaý kórsetiledi. Atap aıtqanda, ákimdikter sportshylarǵa jergilikti kommýnaldyq turǵyn úı qorynan tegin páter usynady.

Esterińizge sala keteıik, Olımpıada oıyndarynyń aldynda Elsııar Qanaǵatov Olımpıada júldegerlerine beriletin syıaqy mólsherin aıtqan bolatyn.

Aıta ketsek, Qazaqstan sportshylary Frantsııa astanasynda 1 altyn, 3 kúmis jáne 3 qola júlde jeńip alǵan bolatyn.

Osylaısha altyn medal jeńip alǵan Eldos Smetov (dzıýdo) 250 myń dollar kóleminde syıaqy alsa, kúmis medal jeńip alǵan Narıman Kýrbanov (sporttyq gımnastıka), Demeý Jadraev (grek-rım kúresi), Nurbek Oralbaı (boks) 150 myń dollar kóleminde qarjylaı marapattaldy.

Al qola medal ıelengen Aleksandra Le jáne Islam Satpaev (oq atý), Ǵusman Qyrǵyzbaev (dzıýdo) jáne Nazym Qyzaıbaı (boks) 75 myń dollar kóleminde qarjyǵa qol jetkizdi.

Tórtinshi oryn (30 myń dollar). Quramada tórinshi oryn alǵan eshkim joq.

Besinshi oryn (10 myń dollar): Muhammedsabyr Bazarbaıuly, Áıbek Oralbaı, Saken Bıbosynov (boks), Abıba Abýjaqynova (dzıýdo), Mılad Karımı (sporttyq gımnastıka), Amır Maımuratov (shyńǵa órmeleý).

Altynshy oryn (5 myń dollar): Aleksandra Le (oq atý), Rýslan Kýrbanov (semserlesý jekeleı syn), Rýslan Kýrbanov, Elmır Álimjanov, Vadım Sharlaımov ı Erlik Sertaı (fehtovanıe, komandalyq syn).

Paralımpıada oıyndarynyń jeńimpazdary men júldegerleri de osyndaı qarjylaı marapatqa ıe boldy.