Olımpıada medali: Alǵashqy úshtikte Norvegııa, Germanııa, Kanada
PHENChHAN. QazAqparat - Ońtústik Koreıada ótip jatqan Olımpıada oıyndarynda búgin Norvegııa quramasy medaldar sanyn 33-ke jetkizdi, dep habarlaıdy QazAqparat tilshisi.
Al, ázirge Qazaqstan quramasy frıstaılshy ıÝlııa Galysheva jeńip alǵan jalǵyz qola medalmen jalpy esepte 25-shi orynda tur.
Búgingi kúnniń jalpy qorytyndysy boıynsha, komandalyq esepte birinshi kele jatqan Norvegııa quramasy medaldar sanyn 33-ke jetkizip, kósh tizginin eshkimge bermeı keledi. Olardyń qorjynynda 13 altyn, 11 kúmis jáne 9 qola (33) medal bolsa, ekinshi orynda kele jatqan Germanııa qorjynynda ázirge 12 altyn, 7 kúmis jáne 5 qola jalpy (24) medal.
Al úzdik úshinshi orynda kele jatqan Kanada sportshylary 9 altyn, 5 kúmis jáne 7 qola medal (21) enshiledi.
Sonymen qatar jalpy esepte úzdik tórttikke Nıderlandy eliniń sportshylary ıelik etti. Olardyń qorjynynda 6 altyn, 6 kúmis jáne 4 qola (16) medal bolsa, úzdik bestikti túıindep turǵan AQSh quramasynyń enshisinde 6 altyn, 4 kúmis jáne 6 qola (16) medal bar.
Esterińizge sala keteıik, 9-shy aqpanda alaýy tutanǵan Aq Olımıada oıyndaryna Qazaqstan 57 joldama jeńip alǵan bolatyn. Olar sporttyń 9 túrinen el namysyn qorǵap jatyr. Al, jalpy Olımpıada oıyndarynda sporttyń 15 túrinen 102 medal jıyntyǵy sarapqa salynady. Jarys 25-shi aqpanda óz máresine jetedi.
