Olımpıada lıtsenzııalary úshin aıqasatyn boksshylar anyqtaldy

NUR-SULTAN. QazAqparat - Bokstan ulttyq quramanyń bas bapkeri Ǵalymbek Kenjebaev 28 aqpan kúni Iordanııada ótetin Azııa jáne Muhıt elderi úshin lıtsenzııalyq olımpıada týrnırine attanatyn komanda quramyn jarııalady, dep habarlaıdy QazAqparat Qazaqstan boks federatsııasynyń saıtyna silteme jasap.

Týrnırge qatysatyn Qazaqstan quramasynyń músheleri:

52 kelige deıingi salmaq dárejesinde - 2019 jylǵy álem chempıonatynyń qola júldegeri Sáken Bıbosynov.

57 kelige deıingi salmaq dárejesinde - birqatar halyqaralyq týrnırlerdiń jeńimpazy Serik Temirjanov.

63 kelige deıingi salmaq dárejesinde – 2019 jylǵy Azııa chempıonatynyń kúmis júldegeri Zakır Safıýllın.

69 kelige deıingi salmaq dárejesinde - 2017 jáne 2019 jylǵy Álem chempıonatynyń qola júldegeri Abylaıhan Júsipov.

75 kelige deıingi salmaqta - 2017 jylǵy Álem chempıonatynyń kúmis júldegeri, Azııanyń qola júldegeri Ábilhan Amanqul.

81 kelige deıingi salmaq dárejesinde - 2019 jylǵy álem chempıony Bekzat Nurdáýletov.

91 kelige deıingi salmaqta - Álem jáne Azııa chempıonatynyń júldegeri, Rıo Olımpıadasynyń kúmis júldegeri Vasılıı Levıt.

91 keliden astam asa aýyr salmaqta - Álem jáne Azııa chempıonatynyń eki dúrkin kúmis júldegeri, qurama kapıtany Qamshybek Qońqabaev.

«2020 jylǵy Olımpıada oıyndaryna joldama alatyn jigitterdiń barlyǵy myqty boksshylar», - dep atap ótti bas bapker.

Aıta ketsek, Iordanııanyń Amman qalasyndaǵy irikteý týrnıri 3-11 naýryz aralyǵynda ótedi. Onda Azııa men muhıt elderiniń boksshylary úshin 63 lıtsenzııa sarapqa salynady.