Olımpıada kúninde týǵan: Qazaqstanda 1000-nan astam nárestege syılyq tabystaldy
ASTANA.KAZINFORM — Qazaqstanda Halyqaralyq Olımpıada kúnine oraı uıymdastyrylǵan dástúrli «Olımpıada kúninde týǵan» aktsııasy aıaqtaldy.
Qazaqstan Ulttyq Olımpıadalyq komıtetiniń bastamasy altynshy jyl qatarynan ótkizilip keledi jáne osy ýaqyt ishinde eldegi olımpıadalyq qozǵalystyń eń tanymal áleýmettik jobalarynyń birine aınaldy.
Jobanyń negizgi maqsaty — jańa urpaq pen olımpıadalyq qundylyqtardyń arasyndaǵy baılanysty kórsetý, sondaı-aq bala ómiriniń alǵashqy kúnderinen bastap densaýlyq, sport jáne otbasy qundylyqtaryna nazar aýdarý.
Dástúr boıynsha 23 maýsym kúni dúnıege kelgen árbir sábı quttyqtaý haty men «Olympian is born» jazýy bar arnaıy kıim jıyntyǵyn alady. Bul syılyqtar jyl saıyn elimizdiń túkpir-túkpirindegi otbasylarǵa tabystalyp keledi.
Bıyl aktsııa Qazaqstannyń barlyq óńirin qamtyp, 23 maýsymnyń alǵashqy mınýttarynan bastaldy. Oǵan 234 medıtsınalyq mekeme qatysty. Olardyń qatarynda barlyq oblystardaǵy, sondaı-aq Astana, Almaty jáne Shymkent qalalaryndaǵy perzenthanalar bar. Nátıjesinde osy kúni dúnıege kelgen 1000-nan astam nárestege quttyqtaý syılyqtary tabystaldy.
Aıta keteıik, joba ıÝNISEF-pen birlesip, Qazaqstan Respýblıkasy Densaýlyq saqtaý mınıstrligi men «Qazposhta» AQ qoldaýymen júzege asyrylýda. Aktsııa alǵash ret 2020 jyly ótkizilgen bolatyn.
Aıta ketelik 23 maýsymda dúnıege kelgen sábılerge olımpıadalyq jıyntyq tapsyrylatyny týraly jazǵan edik.
