Olımpıada: Qazaqstandyq sportshylardyń 6-shy kúngi nátıjeleri
Olımpıada oıyndarynyń kestesine aýa raıynyń qolaısyzdyǵyna baılanysty ózgerister engizildi.
Ár elden kelgen tilshiler jarys týraly emes, kún raıynyń kúrt qubylyp, alaı-dúleı soqqan boran týraly jazbalarymen bólisti. Sebebi, búginge josparlanǵan keıbir jarystar keıinge shegerildi.
Sol jarystardyń qatarynda búgin el atynan synǵa túsetin bıatlonnan áıelder arasynda Galına Vıshnevskaıa, Olga Poltoranına, Alına Raıkova jáne Darıa Klımınanyń jarystary keıinge shegerildi. Sondaı-aq, taý shańǵy jarysynan Marııa Grıgorovanyń jarysy da ózge kúnge aýystyryldy.
Búgin konkıı sportynan jarysqa Ekaterına Aıdova ǵana synǵa tústi. Ókinishke qaraı, 1000 metr qashyqtyqta el namysyn qorǵaǵan otandasymyz jarysty 24-shi orynmen aıaqtady.
Esterińizge sala keteıik, 9-shy aqpanda alaýy tutanǵan Aq Olımıada oıyndaryna Qazaqstan 57 joldama jeńip alǵan bolatyn. Olar sporttyń 9 túrinen el namysyn qorǵap jatyr. Al, jalpy Olımpıada oıyndarynda sporttyń 15 túrinen 102 madal jıyntyǵy sarapqa salynady. jarys 25-shi aqpanda óz máresine jetedi.
