Olımpıada: Qazaqstan medaldar kestesinde ekinshi orynǵa kóterildi

PARIJ. KAZINFORM – Frantsııa astanasynda ótip jatqan Olımpıada oıyndarynda Eldos Smetovtiń altyn júldesinen keıin Qazaqstan jalpy medaldar kestesinde birden ekinshi orynǵa kóterildi.

Dál qazirgi ýaqytta jalpymedaldar kestesinde Qazaqstan quramasy 1 altyn, 1 qola medalmen jalpy esepte ekinshi orynda tur.

Birinshi orynda 2 altyn jeńip alǵan Qytaı quramasy tursa, ekinshi oryndardy 1 altyn, 1 qola medal jeńip alǵan Qazaqstan, Belgııa jáne Japonııa elderi ózara bólisip tur. Odan bólek altyn medal jeńip alǵan elder qatarynda Avstralııa da bar. Olardyń enshisinde ázirge 1 altyn júlde bar.

Ázirge 12 memleket júlde alyp úlgergen.

Esterińizge sala keteıik, búgin Eldos Smetov el qorjynyna alǵashqy altyndy syılady.

Aıta keteıik, Parıj qalasynda alaýy tutanǵan XXXIII jazǵy Olımpıada oıyndarynda jalpy 32 sport túrinen 329 medal jıyntyǵy sarapqa salynady.

Qazaqstan sportshylary tórt jyldyq dodada sporttyń 25 túrinen 92 joldama jeńip alǵan bolatyn.