Olımpıada: Qazaqstan quramasy 20-shy orynda
ASTANA. Aqpannyń 18-i. QazAqparat /Ernur Aqanbaı/ - Kanadanyń Vankýver qalasynda ótip jatqan XXI qysqy olımpıada oıyndarynda bıatlonshy Elena Hrýstaleva kúmis júldeger atanǵan soń, Qazaqstan quramasy altynshy jarys kúninen keıin beıresmı jalpy komandalyq esepte 20-shy orynda tur,
dep habarlaıdy QazAqparat.
Al, Vankýver olımpıadasynda jalpy komandalyq esepte birinshi orynda AQSh quramasy. Olardyń enshisinde qazirgi ýaqytta 6 altyn, 5 kúmis jáne 7 qola medal bar. Ekinshi orynda 4 altyn, 4 kúmis, 3 qola medal jınaǵan Germanııa quramasy keledi. Úshinshi orynǵa 3 altyn, 3 kúmis, 3 qola medali bar Norvegııa shyqty. Odan keıingi oryndarda Kanada, Koreıa, Shveıtsarııa, Frantsııa, Qytaı, Shvetsııa, Avstrııa, Reseı, Gollandııa, Avstralııa, Slovakııa, Chehııa, Polsha, Italııa, Japonııa, Belarýs, Qazaqstan, Latvııa, Fınlıandııa, Estonııa, Slovenııa jáne Horvatııa quramalary.
