Olımpıada qarsańynda qazaqstandyq bokstyń qarqyny myqty - T. Qulybaev
ASTANA. QazAqparat - Olımpıada qarsańynda qazaqstandyq bokstyń qarqyny myqty. Bul týraly búgin Astanada QR Boks federatsııasynyń prezıdenti Tımýr Qulybaev málim etti.
"Inchhondaǵy Azııa oıyndarynda qazaq boksshylary 6 altyn medal jeńip aldy. Qyzdar arasynda ótken Álem chempıonatynda alǵash ret qazaqstandyq boksshymyz chempıon atandy. Bolgarııada jastar arasynda ótken birinshilikte Qazaqstan quramasy jalpy esepte birinshi oryn aldy. Olımpıada qarsańynda qazaqstandyq bokstyń qarqyny myqty. Bizdiń jigitter jaqsy óner kórsetýde", - dedi T. Qulybaev.
Sonymen qatar ol AIBA Pro Boxing týrnırinde qazaq boksshylarynyń alǵashqy aıaqalystary jaman emes ekendigin de atap ótti. 30 qańtar kúni Astanada birinshi maýsymnyń fınalynda Berik Ábdirahmanov Rıo-2016 Olımpıadasyna alǵashqy joldamany jeńip aldy.
"Biz Berikti quttyqtaımyz jáne sáttilik tileımiz. Qazaqstandyq boksty moıyndaýdyń taǵy bir kórinisi - Danııar Eleýsinovke "AIBA-nyń jyl boksshysy" ataǵynyń berilýi. AIBA-nyń jyl bapkeri ataǵyn qatarynan ekinshi márte Myrzaǵalı Aıtjanov aldy", - dedi ol.
