Olımpıada qalashyǵynda turyp jatqan sportshydan koronavırýs tabyldy

TOKIO. TASS-QazAqparat - Tokıodaǵy olımpıada aýylynda turyp jatqan eki sportshydan koronavırýs tabyldy, dep habarlaıdy QazAqparat TASS agenttigine silteme jasap.

Bul jaıynda olımpıada uıymdastyrýshylary jeksenbi kúni taratqan málimette aıtylǵan.

Qujatta sondaı-aq 18 shildede olımpıada qalashyǵynda turmaıtyn atlettiń, BAQ qyzmetkeriniń, olımpıada obektilerinde jumys isteıtin bir jumysshy men jarysty ótkizýge qatysy bar taǵy 5 adamnyń da osy indetke shaldyqqany jazylǵan.

Koronavırýs juqtyrǵandardyń bári - Japonııa azamattary emes.

17 shildede uıymdastyrý komıteti olımpıada aýylynda birinshi ret KVI juqtyrý deregi tirkelgenin málim etken bolatyn.

Tokıo Olımpıadasy 2020 jyldyń 24 shildesi men 9 tamyzy aralyǵynda ótýi tıis bolatyn.

Pandemııaǵa baılanysty jarys bir jylǵa keıinge qaldy, endi ol 23 shildeden 8 tamyzǵa deıin ótedi.

Uıymdastyrýshylar oıyndy sheteldik jankúıerlersiz ótkizýge sheshim qabyldady, sonymen qatar jergilikti kórermender Tokıony qosa alǵanda, alty japon prefektýrasynda olımpıada sharalaryna jiberilmeıdi.

12 shildeden bastap Tokıoda epıdemııalyq ahýaldyń nasharlaýyna baılanysty tótenshe jaǵdaı rejımi qaıtadan kúshine enip, 22 tamyzǵa deıin jalǵasady.