Olımpıada: Ilfat Abdýllın sadaq atýdan jeńilis tapty

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda búgin qazaqstandyq sportshy Ilfat Abdýllın sadaq atýdan synǵa tústi.

Otandasymyz sadaq atýdan jekeleı synda kanadalyq Erık Petersten jeńilip, Parıj olımpıadasyn aıaqtady. Esep - 4:6.

Osyǵan deıin sadaq atýdan Qazaqstan quramasy komandalyq jarysta Italııadan jeńilgen.

Osylaısha sadaqshylar úshin olımpıada aıaqtaldy.

Aıta keteıik, qazaqstandyq sadaqshylar 25 shildede reıtıngilik raýndta synǵa túsken edi. Bul kezeńde Ilfat Abdýllın 29-orynǵa (663 upaı) turaqtaǵan bolatyn.

Buǵan deıin Olımpıada oıyndarynda qazaqstandyq boksshy Sáken Bıbosynov alǵashqy jekpe-jeginde jeńiske jetkenin jazǵan bolatynbyz.