Olımpıada: Hokkeıden fınalǵa shyqqan quramalar anyqtaldy
NUR-SULTAN. QazAqparat - Qytaıdyń Beıjiń qalasynda ótip jatqan qysqy Olımpıada oıyndarynda shaıbaly hokkeıden erler arasynda fınalǵa shyqqan quramalar anyqtaldy, dep habarlaıdy QazAqparat tilshisi.
Mundaı múmkindikke Reseı jáne Fınlıandııa quramalary ıe boldy. Jartylaı fınalda Reseı Shvetsııany 2:1, Fınlıandııa Slovakııany 2:0 esebimen tize búktirdi.
Endi 19 aqpanda 3-oryn úshin Slovakııa men Shvetsııa sheberlik baıqasady. Al 20 aqpanda fınalda Reseı men Fınlıandııa muzaıdynǵa shyǵady.
Buǵan deıin Reseı (KSRO-ny qosa eseptegende) 9 altyn, 2 kúmis, 2 qola medal aldy. Al Fınlıandııa 2 márte kúmis júldeger atansa, 4 márte qola júldege qol sozdy.
Sondaı-aq, áıelder arasynda shaıbaly hokkeıden Olımpıada chempıony ataǵyna Kanada ıe boldy. Kanadalyq hokkeıshiler fınalda AQSh-ty 3:2 esebimen jeńdi. 3-oryn úshin saıysta Fınlıandııa Shveıtsarııadan 4:0 esebimen basym túsip, qola júldege qol sozdy.
