Olımpıada: Hokkeıden fınalda Germanııany jeńgen Reseılik sportshylar chempıon boldy
ASTANA. QazAqparat - Ońtústik Koreıanyń Phenchhan qalasynda ótip jatqan HHІІІ qysqy Olımpıada oıyndarynyń sońǵy kúni erler arasynda shaıbaly hokkeıden fınalda Reseıdiń olımpıadalyq atletteri men Germanııa quramasy kúsh synasty, dep habarlaıdy QazAqparat tilshisi.
Kezdesý fınalǵa saı tartysty ótti. Reseılik sportshylar N. Gýsev pen K. Kaprızov uıymdastyrǵan kombınatsııadan keıin V. Voınov múmkindikti utymdy paıdalanyp, qarsylastar qaqpasyna 1 shaıba salyp, alǵashqy kezeńdi 1:0 esebimen aıaqtady. Ekinshi kezeńdegi jalǵyz shaıbany B. Matsek pen P. Hagerdiń shabýylyn sátti aıaqtaǵan F. Shıýtts soqty - 1:1.
Úshinshi kezeńde N. Gýsev eki shaıba, germanııalyqtar sapynan D. Kahýn men Dj. Mıýller bir-birden shaıba salyp, taǵy da teń nátıje boldy.
Overtaımda endi N. Gýsevpen pas almasqan K. Kaprızov yńǵaıyn taýyp, shaıbany qaqpaǵa súńgitip jiberdi. Sóıtip, esepti 4:3-ke jetkizdi.
Osylaısha, hokkeıden Reseıdiń olımpıadalyq atletteri komandasy HHІІІ qysqy Olımpıadanyń altyn medaldaryn jeńip aldy.
Foto: vk.com
