Olımpıada: Hokkeıden erler arasynda qola júldeger anyqtaldy
NUR-SULTAN. QazAqparat - Qytaıdyń Beıjiń qalasynda ótip jatqan qysqy Olımpıada oıyndarynda shaıbaly hokkeıden erler arasynda qola júldeger anyqtaldy, dep habarlaıdy QazAqparat tilshisi.
Qola júlde úshin Slovakııa jáne Shvetsııa quramalary sheberlik baıqasty.
Oıyn barysynda slovakııalyq ıÝraı Slafkovskı 23 jáne 58-mınýttarda mergendik tanytty. Al Samýel Takach – 33, Pavol Regenda 59-mınýtta kózdegen nysanadan múlt ketken joq.
Osylaısha Slovakııa qarsylasynan 4:0 esebimen basym túsip, óziniń tarıhynda tuńǵysh ret qola medal ıegeri atandy.
Endi 20 aqpanda fınalda Reseı men Fınlıandııa muzaıdynǵa shyǵady.
Eske salsaq, buǵan deıin Reseı (KSRO-ny qosa eseptegende) 9 altyn, 2 kúmis, 2 qola medal aldy. Al Fınlıandııa 2 márte kúmis júldeger atansa, 4 márte qola júldege qol sozdy.
